Frá einni sellu upp í heila eyju

Sólarorka sem borgar sig – og heldur ljósunum kveiktum í rafmagnsleysi.

Við hönnum og setjum upp sólarorkukerfi með rafgeymum fyrir heimili og sumarhús. Kerfin nýta sólina þegar hún skín, geyma orkuna í LiFePO4 rafgeymum og grípa sjálfkrafa inn í ef rafmagnið fer af.

Fullt þriggja fasa rafmagn – hvar sem er á landinu.

Fyrir staði sem ekki eru tengdir raforkunetinu smíðum við sjálfstæð kerfi sem sameina sól, vind og rafstöð. Kerfið stýrir sjálft hvenær rafstöðin fer í gang og nýtir alla umframorku, til dæmis í rafbílahleðslu eða hitun.

Sjálfbær ferðalög – án þess að leita að rafmagni.

Við smíðum heildarkerfi í húsbíla, ferðavagna og báta: LiFePO4 rafgeymar, áriðlar, DC-DC hleðsla frá alternator og sólarsellur á þaki. Allt tengt, stillt og prófað áður en það fer út úr húsi.

Áreiðanleg orka fyrir fjarskiptastaði, sendamöstur og rekstur.

Við höfum unnið með Neyðarlínunni, Mílu, björgunarsveitum og fleirum að lausnum sem tryggja rafmagn á afskekktum fjarskiptastöðum, draga úr olíunotkun og lengja endingu búnaðar. Sömu lausnir henta fyrirtækjum sem vilja varaafl og betri nýtingu á grænni orku.

Tilbúin rafmagnstafla – tengd, stillt og merkt.

Í stað þess að finna upp hjólið færðu tilbúna töflu frá okkur með öllum búnaði uppsettum, ásamt nákvæmri tengiteikningu. Búnaðurinn er stilltur fyrir þínar þarfir áður en hann fer úr húsi.

Bláorku LiFePO4 rafgeymar – orkugeymsla sem endist.

Okkar eigin LiFePO4 rafgeymabankar, 48 V 200 Ah (10 kWst), eru hjartað í flestum kerfum sem við smíðum. Þeir þola þúsundir hleðsluhringja, eru öruggir og hægt er að raða þeim saman í 20, 30 eða 40+ kWst banka.